علشان تنجح لازم تتعلم ازاي تتفاوض| يعني اي تفاوض؟

بسم الله الرحمن الرحيم

أعضاء مدونة معلوماتك اون لاين اهلا بكم. 
ماحدش فينا ماتفاوضش قبل كده.تعالوا النهارده نتكلم 
يعني أيه تفاوض.

التفاوض هو محاوله من طرفين او أكثر للوصول لإتفاق 

ولكن علشان اسمي المحاوله دي تفاوض.لازم يتوفر

فيها ثلاث احتياجات.                                        

1-لازم يكون كل طرف داخل (التفاوض)ده عنده مدى بيتحرك 

فيه. (مثلا) لو انا عايز اعرض سعر معين اتفاوض عليه لازم يكون

عندي مدى باتحرك فيه (فامثلا) اتفاوض على سعر مابين

(15الى20). لكن لو انا داخل وعايز اتفاوض فقط على سعر (17)دا مش تفاوض.

2-مهم اوي الطرفين يكون في بينهم ارضية مشتركه. (يعني مثلا) ممكن يكون

انا والطرف الثاني مختلفين على السعر او على طريقة التسليم والدفع

ولكن في بينا ارضية مشتركه هي ان احنا عايزين نكمل في 

التعامل مع بعض.

3-لازم الحاجه اللي بتتفاوض عليها ماتكونش موجوده بكثره هانتفاوض على ايه.

(مثلا) لو احنا موجودين النهارده وقولتلك تعالى نتفاوض على كمية المياه

اللي كل واحد ممكن يشربها مش هايعتبر تفاوض.لان الميا موجوده دلوقتي بكثرة.

ولكن لو في صحره وقولتلك تعالى نتفاوض على كمية المياه اللي ممكن كل واحد

يشربها ساعتها يكون دا (تفاوض) لان المياه غير موجوده.

كدا انا خلصت شرح درس النهارده

المدونه التاليه هاعلمك ازاي تحضر كويس 
علشان تكون مفاوض كويس.
ارجو ان يكون الشرح قد حاز على اعجابكم 
برجاء مشاركة الموضوع 
والسلام عليكم ورحمة الله وبركاتة
........