*أيوة أيوة، ايه في ايه؟!
-عايزه اتطلق!
*بسم الله الرحمن الرحيم!.. صباح الخير الاول
-مفيش زفت صباح خير😠
-بقولك عايزة اتطلق!
*في ايه بس يا بنتي ع الصبح!
-لو سمحت طلقني!.. عايزة اطلق دلوقتي
*لا حول ولا قوة إلا بالله!.. ايه في ايه؟مالك يا ماما؟؟
-هتطلقني ولا مش هتطلقني؟؟
*اهدي بس واسـ.....
-متقوليش اهدي!.. هو انت شايفني مجنونة بشد ف شعري؟!! لو سمحت طلقني خلاص مش عاوزة أعيش معاك!
*طب ممكن اطلقك كمان ساعة؟ أنام بس شوية كمان
ربنا يخليكي.
-لأ لأ لأ.. مليش دعوة!.. طلقني دلوووووقتي!
*طب نص ساعة؟
-انت بتهزر كمان!
*طب ممكن اعرف هطلقك ليه؟
-يعني مش عارف؟!!
*لو تلاحظي انا لسه صاحي.. هعرف ازاي؟!
-ايوة استهبل بقى!
*حبيبتي.. انهاردة الجمعة.. يعني اجازة.. يعني مفيش alarm.. يعني متعة من المتع القليلة المتبقية ف الحياة.. ممكن بقى نكون على مستوى الحدث ونأجل النكد ليوم ف وسط الاسبوع؟
-مش عايز نكد؟؟
*ده بعد إذنك يعني
-يبقى طلقني!
*كده النوم باظ الحمدلله..
ها يا ستي،، في ايه؟
-طلقني!
*حاضر مفيش مشكلة.. بس المأذون اكيد هيسأل عّن السبب وكده.. أقوله ايه؟
-قوله اني مش عاوزاك خلاص!
*طب احاول أخمن؟
-انت بتهزر!!
*نسيت عيد ميلادك، أو عيد جوازنا، أو عيد خطوبتنا، أو أي عيد عموماً؟
-انت كمان عايز تنسى دول؟!!
*اممممم.. نسيت كيس الزبالة، أو البوتاجاز، أو المكوة، أو نسيت الموبايل مفتوح، أو أي خطيئة ليها علاقة بالنسيان؟
-مش هرد عليك!
*طب في حاجة كان المفروض أعملها معملتهاش؟.. أو حاجة كان المفروض معملهاش وعملتها؟.. أو حاجة ليها علاقة بالعمايل بصفة عامة؟
-انت بجد مش عارف؟!
*طب نقص ف الاهتمام، أو تقصير ف المشاعر، أو إهمال ف الأحاسيس، أو أي حاجة ليها علاقة بالشق الحريمي من حياتنا؟
-الشق الحريمي!!!
*برضو مش ده؟
-خلاص يا عصام !.. عمرك ماهتحس ولا تفهم!.. طلقني وخلاص
*حاضر..
-حاضر ايه؟
*هطلقك
-شكراً
*العفو.. انام بقى شوية؟
-طالما هتطلقني ماشي..
*اشكرك.. (بيشد البطانية وينام)
-عصاااااام
*نااعااااام،،،
-انت فعلا هتطلقني؟
*اه.. اول ماصحى
-ببساطة كده؟؟؟
*اكيد لأ مش ببساطة يعني.. دي إجراءات بقى ومؤخر ونفقة متعة و و و و
-اقصد المبدأ نفسه
*لا مش فاهم
-هتطلقني كده ببساطة؟؟ أهون عليك؟؟
*لا طبعا
-امال هتطلقني ليه؟؟؟
*لا إله الا الله!! انتي مش مصحياني من النو.........
-عصام انت بتحبني؟؟
*ايوة ياستي بحبك..
-امال عايز تطلقني ليه؟؟؟!
*لا لا!! كده كتير اقسم بالله!!
-كمان مش مستحمل مني كلمة!! طلقني يا عصاام !!
😹 😹 😹 😹