ما تشتريش شقة غير لما يبقي معاك قد سعرها ١٠ مرات فعادي اشتري بقي ساعتها
يعني لو الشقة ب نص مليون يبقي انت معاك ٥ مليون
لكن يبقي كل اللي حيلتك ١٠٠ الف و تروح تحطهم مقدم شقة و باقي دخلك الشهري رايح للقسط الشهري
والنصف سنوي والسنوي والخدمات
يبقي انت عبيط رسمي !!
عيش في ايجار زي باقي كوكب الأرض.
وقيمة الايجار مش لازم تزيد عن ربع مرتبك
مش يبقي مرتبك 4 الف جنيه مثلا وتروح تأجر شقة
ب 3500 جنيه علشان ترضي ام العروسة
ملعون العروسة علي امها !!
اللي عاجبه ظروفك علي كده ماشي
اللي مش عاجبه في غيره هيعجبه
محدش بيشتري شقق في أي مكان في الدنيا و هو محيلتوش حاجة غير في مصر بس.
مفيش حد في الدنيا ممكن يفشخ حياته
و يصرف كل اللي وراه و اللي قدامه
و يحوش ويضيع عمره علشان مقدم و أقساط
علشان يرضي أهل البنت اللي عاوز يتجوزها
غير في مصر.
متبقاش متخلف متضيعش عمرك علشان ترضي اهل واحدة و بعدين تضيع باقي عمرك كله علشان ترضيها هي
متبقاش مغفل
اشتغل بإيديك و سنانك و حوش و سافر اي حتة للفسحة و ارجع اشتغل تاني
اعرف ناس جداد من كل حتة
سافر البلاد اللي مش محتاجة ڤيزا مش لازم أوروبا أصلاً
أوروبا أغلبها ثقافة واحدة و مع الوقت بتبقي شبه بعض كمان
سافر الهند سافر امريكا الجنوبية سافر تنزانيا سافر تركيا سافر لبنان المغرب تونس أي جزر في أي حتة سافر الصين يا أخي و تايلاند العالم واسع والله !! مجاتش علي اللي بيغلس عليك في الڤيزا
وواحدة واحدة هتيجي برضه عادي بس انت ابدأ
إطلع من أم القمقم اللي حاطك فيه المجتمع و الأهل و كل العركة بنت الكلب دي
متضيعش شبابك علي كلام فارغ
صحتك يا ابني و شبابك و انبساطك اهم ألف مرة من تضييعهم في التحويش لشقة مع الوقت هتتحول لسجن
محدش بيشتري سجن و يدفع فيه دم قلبه و صحته و شبابه غيرنا
اللي موافقة تتجوزك في إيجار زي كل الدنيا و تساعدك تعيش حياة حلوة معاها ماشي
اللي اهلها يقولولك لازم ملك و أمان لبنتي و شكلنا و منظرنا امشي و سيبهم
دي عالم تافهة
الشقة مش امان لو انت انسان وحش و اكيد مظهرهم الإجتماعي مش أهم من شبابك اللي هيضيع علشانه
انت عبيط يا ابني حد بيضيع اهم سنين عمره علشان المظهر الإجتماعي لناس ميعرفهاش أصلاً !!!
اتغيروا يا جدعان
العمر مش بعزقة و المصحف و فيه كتير أوي إحنا لسه مشوفناهوش
كفاية خرط بقي
و اللي مش عاجبه دماغك
فيه غيره كتير هتعجبه وبعدين ياسيدي سيبك من كلام امك وخالتك اللي تقولك لازم تتجوز مصرية بتستحمل وتعيش انت مش بشتري غسالة ولا تلاجة انت محتاج روح تعيش معاها مش كل يوم الصبح تبص في وش امها وتفتكر ان حياتك اصبحت روتنية بسبب طلبات امها علشان ترضي مجتمع متخلف بيدبسك في عادات وتقاليد سخيفة. عندك اكتر من 100 جنسية تانية مش بتفكر التفكير الاهبل ده واللي تقولك اضمن حق بنتي ازي قولها كان ابوكي ضمن حقك ازي يابومة.
بس خلص الكلام
سلام